【師兄你點睇】潘頓有匹半冷馬 勝望極高！（賴維銘）
蘋果日報 2019/12/29 06:00
潘頓賴維銘八太子師兄你點睇
賴：前騎師賴維銘
記：記者吳文輝
記：記者吳文輝
記：不經不覺來到2019年最後一戰，天文台表示今日（29日）將會有雨，未知會否對場地有影響。
賴：如今草地狀況非常穩定，除非臨場有傾盆大雨，否則唔會有大影響。至於泥地跑道或許會多一點變化，確實有些馬跑濕泥零舍醒神。
今日第四場四班1650米泥地賽之的「八太子」，上季曾於一場超高水準的三班濕泥賽事跑第三，頭二名馬匹分別是「黃金甲」及「二郎」。
雖然「八太子」的季軍落後頭馬七乘多，是否濕泥特佳未可斷言，但相信適應上並無問題。
「八太子」上季兩勝谷中1650米，本身之後於泥地賽表現出色，除前述曾在三班賽入位外，還曾於四班負133磅僅負頸位得第二。
今季部署循序漸進，評分降至四班賽水平，剛周四（26日）谷中夜賽有兩組1650米唔報，叠埋心水跑泥地，目標清晰。
此程能力於四班屬頂級，有潘頓和5檔之助，這匹半冷馬勝望相當高。
記：文家良馬房剛戰（26日）憑「雷霆導彈」爆冷，馬房冷門向來時有佳作，唔知今次會否乘勝追擊？
賴：如果要扒冷，不妨留意第六場四班1400米文廄「瀟灑王子」。
此駒實而不華，上季已兩度爆冷建功，只要跑啱步速往往越跑越順，對手難越雷池。
陳嘉熙上季曾為此駒建功，今次人馬再遇，應懂得如何發揮，有十磅減而又經常被人睇低，不妨視作冷腳看待。