42歲嘅前英超球證卡頓保，依家替沙地阿拉伯足總做球證主管，以前佢嘅執法方式都出名係亂嚟，估唔到現實生活都相當亂嚟。最近佢就被揭發有婚外情，同50歲嘅情婦安德烈秘交左十個月咁耐，而卡頓堡嘅太太正考慮離婚。

根據報道，卡頓保同安德烈嘅相識，全因為安德烈要喺紐卡素搵間屋租，最後佢做左卡頓保嘅租戶，仲做埋卡頓保嘅情婦。安德烈嘅好友向記者透露，安德烈話卡頓保同佢講係單身，仲會辭左沙地份同佢一齊。安德烈讚卡頓保係個好浪漫嘅男人，仲話兩位間唔中會幽會下，而且每次見面之後，啲衫都會被人撕爛哂咁話。不過佢就話其實安德烈唔知卡頓保結左婚，仲話對佢太太感到好抱歉。

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM