天主教香港教區榮休主教陳日君樞機卸任後,仍然積極為公義發聲,國際社會亦關注陳樞機對港貢獻,早前陳樞機就獲得美國紀念共產主義受害者基金會(The Victims of Communism Memorial Foundation)頒發本年度嘅自由獎(Truman-Reagan Medal Of Freedom),以表揚佢多年來一直關注中國宗教自由同香港嘅民主情況,頒獎禮將會喺下星期一舉行。
睇返呢個獎,由兩個美國前總統杜魯門同列根嘅名命名,過去都有唔少宗教人士曾經獲獎,好似教宗若望保祿二世、越南良心犯阮文理神父,同匈牙利改革宗教會主教Hon. Bishop László Tőkés等等。而2015年,基金會曾經向旅美失明維權律師陳光誠頒發同一獎項。