陳豪03年套劇《帝女花》,當中爆出一句「幫朕check吓」最近畀網友翻loop,愈睇愈爆笑。
今日陳豪以古裝造型,出席無綫喺香港國際影視展嘅記者會,重提呢年事,陳豪笑言:「嗰陣時嘅科技冇依家咁發達,朕終於都Check咗喇!真係有個Check字,當時完全冇人發現,證明朕講呢句說話都好流暢。」
陳豪又自稱「扶碌嘢多到NO.1」,佢笑言:「依家要好好check住,依家啲觀眾捉得好緊,我都係最近先聽番呢段聲,真係好爆笑,Aimee都有笑我,好彩有啲冇出街咋!」咁樣搞到仲想睇喎!
「第八屆金話梅電影選舉」又嚟喇。今年除港產片有獎攞,仲增設「最爛合拍片」獎。栢芝憑四套電影入圍「最爛女主角」,應該冇得輸。大家快快投票啦,結果將於4月12日在《蘋果》娛樂版揭曉。
公投網址: http://facebook.com/AppleDailyGoldenPlum