張耀揚因為喺北京涉毒被捕，內地報道更驚傳張耀揚涉嫖娼情節，故被拘留20日。

而張耀揚舊愛李麗蕊接受電話訪問時表示：「返到公司先知單新聞，啱啱喺自己主持個節目《娛樂審死官》接受埋訪問，講返呢件事，剛剛知道後好shock(震驚)，好耐都冇聯絡，估唔到搞成咁。」

阿蕊話佢同耀揚拍林嶺東電影《學校風雲》時認識，同開始拍拖，當時佢認識嘅耀揚冇吸毒習慣，佢話：「佢冇乜壞習慣，你話後生仔去下夜店食煙梗有，吸毒就係我眼見冇。未必會打畀佢(耀揚)問，我哋有共同朋友，或者可以透過你哋，知佢最新消息囉。」

對於近年娛樂圈盛傳耀揚有同性戀傾向，佢笑住話：「我都有聽過，不過當年佢同我拍得拖，好肯定當時佢係鍾意女人。」