今天（30日）沙田晨課，鏡頭影到一位排尾二嘅練馬師麥菲文，同一個大跌watt嘅前冠軍騎師韋達，竟然齊齊喺機坪隔住條欄杆，密斟足足幾分鐘。

有咩事咁緊張，係都要傾到氣氛咁凝重呢？唔通係想聯手搵食，話俾世人知，佢哋兩個並唔係冇牙老虎。

雖然周日（12月3日）沙田之戰，呢對騎練只喺第七場三班草地1000米，合作一匹新馬「威威心得」，但其實賽前嘅兩課大閘，十三少一路都有跟開，絕對唔係幕後求其搵個人上去騎。

而呢對合作漸增的騎練韋達及麥菲文，或者從今次合作擦出新火花亦未可料。