【15：40更新】新增影片
深水埗昨晚發生城巴奪命車禍，造成多人死傷( http://bit.ly/2yiS42D )。《蘋果》聯絡到兩名被巴士撞的男途人，他們均指當時千鈞一髮，見的士在燈位前收慢，巴士卻收掣不及抽頭飆至，他們本能地向後退，但仍遭巴士左車身撞及倒地受傷，直言「半步就可以判你生死」。

「真係0.01秒，生死時速！」首先被巴士撞及的途人梁先生指出，當時他與友人林先生打算往北河街食晚飯。林說：「行到燈柱位，望住部的士拖慢咗，但係架巴士煞唔切掣，睇住佢扭軚撞埋嚟，一秒都唔夠！」梁指見到巴士本來直線行，卻突然駛歪了，他意識到有問題，即拉住林退後半步，幸好他們「留意到、望到，如果背住傾偈就唔識閃，個巴士鏟埋嚟，係冇時間畀你！」

雖然他們有退後，但仍然被巴士車身以數百磅力撞飛彈路邊，林右腳踝及左腰部感到痛楚，梁則胸口、雙腳、腰及頭被撞傷。「真係好彩！見到兩個男人困車底，有一個已經冇反應，另一個仲識呻吟。」意外後，他受傷流血，旁邊已有大批傷者呼喊，他在分流期間才得悉上層一名女乘客當場死亡。

林先生則指，他的眼鏡被撞飛脫，視線模糊，頭部亦被墮下玻璃撞及，滿天星斗，見身旁的梁口吐鮮血，喊叫「抖唔到氣」，已嚇得他大叫「大鑊」，後來始知是橫隔膜因緊張收縮造成呼吸困難。

現時梁、林都已返家休養，但腦海仍不時浮現昨晚的恐怖畫面，「一部巴士撞埋嚟，嘭嘭聲、沙沙聲，返到屋企要將頭髮的玻璃整走。」對於經歷生死一刻，他直言只是半步之差，否則他們會被捲入車底，「左邊啲傷者，真係唔敢望。」事件亦令他感到人間溫暖，遇到熱心的途人，而相識多年的好朋友亦特意到來探望。

對於意外造成3人死亡，梁先生坦言「心情唔好，替死者難過，佢哋都係放工返屋企，死得好唔抵！」他指城巴司機有責任，「佢揸開呢條線，知道燈位，唔係新牌仔，的士已經收慢咗，巴士仍然冇收慢！」他現時受傷不能開工，又指日後過路會提高警覺。

你敢爆，我敢獎！ 即Call《蘋果》24小時爆相爆片熱線 ：63836568