當年今日
關於我們

【《關你影視》Live】聖誕電影推介 郭子健見證「甄子丹成長日記」

蘋果日報 2018/12/20 23:30

甄子丹聖誕電影葉問外傳:張天志水行俠關你影視郭子健Live

《蘋果》娛樂節目《關你影視》,結合影評、電影資訊,同你開住Live講戲。啱啱播出嘅一集,再次請來電影導演郭子健(Derek)做嘉賓講下聖誕有咩好戲睇。佢除咗期待《水行俠》、《大黃蜂》等荷李活大作,更分享自己特別想睇《葉問外傳:張天志》嘅原因同背後小故事。
首先佢就覺得《水行俠》吸引之處並非在特技或卡士,而係在導演溫子仁:「佢好懂得如何喺一個商業節奏入面,好有效地設計一波又一波嘅令情緒推展嘅動作,或者恐怖元素,咁在於商業片係個好高嘅難度。」仲話呢套係一部高娛樂,講求設計同情緒鋪排嘅電影,相信溫子仁必能稱職。
另外一套令佢好期待嘅作品,就係佢好朋友葉偉信導演有份參與嘅系列作《葉問外傳:張天志》,直指係袁和平回勇之作:「今次導演係八爺,八爺近年嘅電影係有少少令人擔憂嘅,但我睇完《張天志》嘅預告,我話掂喎呢次!你係嗰家就嗰家,拍乜嘢特技丫你都唔係。」呢個持續多年嘅系列,亦令Derek見證住甄子丹成長:「《葉問》就好似甄子丹成長日記,我好多時有去探班,開初時甄生好緊張喺現場唔知點,到二、三集我見到佢竟然坐喺度睇書,已經入咗(個角色)。」當然亦因為甄子丹,先令《葉問》成為經典。
精選娛聞,喺晒《娛果》
http://fb.com/appledailyent
empty
empty
郭子健今次同大家講下聖誕電影。
empty
佢就覺得《水行俠》吸引之處並非在特技或卡士,而係在導演溫子仁
empty
佢直指《葉問外傳:張天志》係袁和平回勇之作
empty
仲話 《葉問》就好似甄子丹成長日記