韓國人氣劇集《雲畫的月光》熱爆全城，當中男女主角朴寶劍同金裕貞都因為劇集而人氣急升，而朴寶劍亦成為新一代男神。

喺劇中同朴寶劍呢位世子有唔少對手戲嘅貼身侍衛張內官嘅李準赫喺前日播出嘅綜藝節目《黃金漁場》上，就激讚朴寶劍，身為前輩嘅李準赫對朴寶劍讚不絕口，讚佢性格善良，佢話：「心似水一樣咁透明，自我管理亦都好好，唔飲酒唔食煙。」

李準赫仲搞鬼話因為朴寶劍為人「零缺點」，所以佢一度懷疑朴寶劍愛上自己，可見朴寶劍對劇中演員都十分友好，搞到李準赫以為對方鍾意自己呢。