【搶唔到】王梓軒洛杉磯撲唔到物資 廁紙都要逐格用
蘋果日報 2020/03/25 18:09
洛杉磯王梓軒武漢肺炎搶物資
【新增回應】
武漢肺炎全球爆發，美國已累積逾55000宗確診個案，早前各洲省已先後頒布居家禁足令，又禁止任何公眾或私人聚會。
王梓軒個多月前到洛杉磯，原定在當地上堂進修演藝，最後因疫情關係改用電腦軟件於家中上堂。加上現時的禁足令，他亦盡量留於家中，只是去銀行及超級市場購買必需品：「我每星期出去超市一次，買定啲食物，其餘時間都係留喺屋企，出門一定戴口罩同手套。上個星期啲人一搶就搶成個月嘅貨，超市好多新鮮嘢同罐頭都冇晒，得返啲急凍嘢食，意粉都係得返一包，廁紙、廚房紙都冇晒。」
早在上月初抵達洛杉磯後，王梓軒已四出撲口罩及消毒液，走遍十多間超級市場及便利店，但最終亦一無所獲。他現時戴的口罩，都是早前在日本購入的存貨：「一個（口罩）都買唔到，斷咗貨兩個幾月，啲外國人都唔會有口罩用，貨架全部都係吉嘅。搵咗好多間終於有一間有消毒濕紙巾，我都係買咗兩包，留番啲貨俾其他人買，廁紙都要慳住用，每次都係用一格。」
王梓軒今日接受《蘋果》電話訪問時，問他既然要遙距上課，為何不直接回港？他說：「原定我係三月底返香港，但係又趕唔切隔離14日之前返到嚟，所以索性繼續留喺LA，嗰時啲Course又未停嘅。」至於當地發生排華情況，他表示如非必要不會外出：「最多都係好間中先出去買餸或者睇醫生，我之前有學過自衛術，我自己都會好小心，當然亦都唔希望佢哋排斥亞洲人。」
撰文：盧妹
王梓軒每次出門都會戴口罩及手套，保障自己。
禁足令下，王梓軒只能到超市及銀行。
當地人亦搶物資囤貨，王梓軒只能買到兩包消毒濕紙巾。