當年今日
關於我們

【不念舊惡】勝過莫拉達 摩佬首肯簽C朗

蘋果日報 2017/06/18 11:57

皇家馬德里曼聯摩連奴C朗基斯坦奴朗拿度艾華路莫拉達歐洲足球

雖然曼聯領隊摩連奴喺執教皇馬期間,同基斯坦奴朗拿度(C朗)唔多咬弦,不過,佢始終識英雄、重英雄,認為紅魔簽C朗好過簽任何一名前鋒,包括另一名皇馬攻擊球員艾華路莫拉達。
據《星期日泰晤士報》報道,隨住傳出C朗唔想留喺皇馬,曼聯已著手行動向呢名葡萄牙國腳招手,希望佢可以回歸,而最重要嘅係,紅魔今次嘅行動仲係得到領隊摩連奴嘅同意。雖然曼聯一直斟介嘅以5,240萬鎊(約5.1億港元)羅致皇馬攻擊球員艾華路拉達,而莫拉達亦好有興趣加盟紅魔,不過,皇馬卻似乎唔多想賣咁款,多番討價還價不果,令摩佬好鬼唔滿意。與此同時,又突然傳出C朗想離開皇馬,摩佬覺得C朗喺各方面都係一等一嘅球員,認為簽C朗對紅魔更有著數。另外,C朗嘅代表據報表示,C朗想離隊唔係因為被告逃稅,而係想尋求新挑戰喎!
empty