關之琳今晚應趙曾學韞邀請，出席善學慈善基金喺機場富豪酒店舉行嘅晚宴，其他嘉賓仲有馬德鐘夫婦、溫碧霞、應屆香港小姐冠軍陳凱琳及亞軍蔡思貝等。

關之琳同劉德華向來老友，近日有傳華仔老婆朱麗倩再度懷孕，關之琳話： 「如果係，當然恭喜佢！我都叫佢快啲追多個仔，生開就有。」

咁有冇同華仔聯絡？關之琳話： 「間中有同華仔聯絡，都有見過佢個囡囡，一半似媽咪，一半似老竇！」

咁佢本人又幾時同男友拉埋天窗呢？關之琳笑言： 「0依家幾享受，如果真係有呢一日，一定會講！」