施匡翹（Zaina）昨日到新蒲崗為新歌《初心》拍MV，更邀得蔣嘉瑩（右）的4歲囝囝Marvis任嘉賓。施匡翹感謝蔣嘉瑩願意帶囝囝出來拍攝：「因為MV故事係講我同男主角由細個到𠵱家嘅比對，所以就特別要搵小演員嚟演出。」

蔣嘉瑩笑言：「仲搵咗囝囝嘅女朋友仔嚟做Zaina小時候角色，嗰個係囝囝嘅同班同學，第時等佢哋大個可以睇番。」