韓國女星孫藝珍早前落實出演SBS綜藝節目《家師父一體》，並將於聽日播出新一集，節目組噚日率先公開預告相，今日就再喺Facebook公開咗孫藝珍、李昇基、李尚允、陸星材等人嘅拍攝現場照。

喺照片中，孫藝珍展示佢嘅普拉提（Pilates）技術，見佢做得有板有眼，似乎平日都靠普拉提來修身，保持佢嘅弗爆身材，而孫藝珍仲喺現場充當導師，指導李昇基、李尚允、陸星材等人做普拉提，見李尚允同陸星材個樣好似好辛苦咁，唔知最後能唔能夠順利完成呢？

另外，同孫藝珍合作人氣韓劇《經常請吃飯的漂亮姐姐》嘅男星丁海寅則上咗綜藝節目《我獨自生活》，節目噚日播出最新一集，喺節目內丁海寅對主持之一嘅朴娜萊勁體貼，而朴娜萊亦於Instagram公開同丁海寅合照，直言見到丁海寅好激動，又留言：「丁海寅辛苦了，你真的超帥的，不好意思給你壓力了。」

精選韓流，喺晒《娛果》
http://fb.com/appledailyent