今日於添馬公園舉行的跨界別罷工集會，參加者不乏白領一族及專業人士，來自會計界的李小姐亦是其中一分子。一身OL打扮的她與友人在公園草地席地而坐，手執「全港三罷」標語的她笑指其任職公司有中資背景及「藍到爆」，要求同事不要在公司談政治，但她堅持繼續以行動去支持反送中運動。故繼「8.5」三罷之後她再次自發參與罷工，她直言「如果公司唔接受我嘅聲音，咁咪東家唔打打西家囉！」

記者林穎嵐 徐雲庭

育有兩名十多歲小孩的李小姐，以往從未參與任何社會運動，就連2014年雨傘革命都沒有參與，「但今次真係忍唔到！香港人由97回歸之後已不停讓步，已經退無可退！」她形容自己今次出來抗爭並非為了自己，而是為了下一代：「就算我享受唔到，我都想為下一代着想……我都有兩個少年階段嘅小朋友。」她期望可以為香港未來主人翁盡一分力。

從事會計業十多年的李小姐形容，會計界是比較多中產人士的行業，在香港生活無憂的一群，但在今次運動中他們亦曾舉辦集會表達訴求，「有啲後生啲新入行嘅會驚啲囉，始終要考牌，同埋做Big 4公司嗰啲囉，佢哋真係有政治壓力。」她指近月有份參與運動的同業大都屬30至40歲一輩，「佢哋考咗牌，(就算不在港工作，)可以去澳洲等地執業。」

她又指，即使其公司禁止同事討論政治，「但其實都有好多人私底下會傾，公司啲同事都分咗黃、藍兩陣營，有時都會拗得好激烈，但大家識得耐都道知對方底線，適當時候會收口，因為再拗落去都冇意思。」

李小姐指今日公司內都有多名同事自發罷工，部份人因感到擔憂而選擇放有薪假期，「就算冇用都想盡力做，我哋唔知有冇效果，但做得幾多做幾多！」

【撐學生】
召集有心人 撐學生全年睇《蘋果》
立即按此

你敢爆，我敢獎！ 立即WhatsApp《蘋果》24小時爆相爆片熱線 或致電：63836568