朱潔儀今日喺中環現身一個當代女性藝術展，佢嘅親筆作品《香江荊艷》有份參展，佢話：「花咗3星期去畫呢幅作品，因為我喺香港出生，又係香港小姐，對香港有深厚感情，所以刻畫咗一啲香港建築景物，代表香港繁華盛放。」朱潔儀有唔少作品都係大陸不同地方展覽，對於獲得認同感到高興。

香港小姐出身嘅朱潔儀表示今年唔喺香港，無緣欣賞比賽，提及到今年才藝表演遭批評（新聞連結： https://bit.ly/2wGtWZg ），亦有佳麗在鏡頭前黑面，朱潔儀話：「以前我選美時候綵排都好辛苦，好記得決賽當日，導師想我哋行得靚啲，我當時隻腳係損晒、腫晒、流晒血，但上到台乜都唔記得，只係知道要保持港姐態度，要笑，唔好失禮人，以最靚最好狀態展現俾人睇。」

精選娛聞，喺晒《娛果》
http://fb.com/appledailyent