【監察漏洞】
日出康城三期緻藍天被揭涉濫收泥頭費，有關注團體指情況在香港相當普遍，管理公司往往趁屋苑新入伙、居民未及成立法團或業委會等「空窗期」，與其他公司簽訂天價服務合約。管理公司亦可因應合約金額，收取當中一部份作額外經理人酬金，全程等同冇王管，小業主則要為合約埋單找數。
以緻藍天為例，該屋苑在去年12月入伙，業委會今年9月成立，其間屋苑的大小管理事宜均由管理公司包辦。香港業主會會長佘慶雲指，在類似的空窗期間，業界普遍會與其他相熟公司簽訂各種巨額合約，「喺行內係好自然嘅事，基本上任佢點簽都得，管理公司亦唔需要同任何人交代，市價收100蚊，佢開到1,000蚊都得」。