湯怡、AGA、崔碧珈同馮允謙都有參加渣打馬拉松嘅半馬賽事，湯怡同AGA都係首度參加半馬賽事，AGA前晚心情緊張失眠，噚日作簡單練跑後，就由噚日晏就四點開始瞓到今朝，中途只係起身食咗晚飯，佢話：「舊年喺三藩市第一次跑半馬，時間係2小時25分鐘，今次都有信心，希望成績可以好啲。」

湯怡舊年跑10公里做出56分鐘，今次跑半馬主要想挑戰自己，問到目標時間幾多？佢望一望左手印上時間表話：「希望2小時5分鐘至15分鐘完成，之前練開係平跑，我知道西隧口有兩公里斜路，都帶定能量包喺身。」近日不停食飯，佢笑指近排完全冇肚餓感覺，仲覺得體重升番上去顛峰時磅數。

馮允謙去年半馬成績係1小時40分，今年希望跑到一個半小時成績，而崔碧珈希望兩個半小時內完成。