當年今日
關於我們

【麥格夫隨筆】報咗名仲試閘 呢鋪你都夠狼咯!

蘋果日報 2017/09/22 23:59

徐雨石試閘報名天狼星麥格夫隨筆

一如之前所料,幾個大馬房繼續好整以暇,等11月左右級際賽開始陸續登場才發動攻勢,徐雨石與上季一樣打快攻,旗下馬密密跑希望把握機會交代先,眨眼間已經八W進賬。
當中有三場由見習生減磅勝出,馬房配搭靈活,會因應形勢務求將馬匹爭勝機會提升至最高層面。
周日(24日)徐雨石繼續大手出馬,特色係八匹馬季內都已跑過,其中「蒙古王」、「好友益」、「電訊大炮」均係贏完再出,以馬房歷來作風,跑開有表現的馬多能持續交到功課。
但覺得「勇冠多」、「天狼星」更有留意價值,前駒上季53分贏泥地1200 米,今季已跑兩場熱身,尤其上場泥地短途輕鬆跟入第四重現走勢,試準後今次即打王牌跑,早課亦見繼續加強打磨,矛頭直指今場。
第二場「天狼星」季內初戰即跑1600米,快放下雖輸兩個半馬位,但竟能與二至四名馬纏鬥下過終點,明顯係走光之作,最矚目嘅係打王牌報名後,剛周二(19日)隨即再被派往試閘,如此肉緊備戰豈會無所圖?