【爆相爆片】黃又南續車牌 運輸署排隊企足一粒鐘

蘋果日報 2018/09/05 00:00

黃又南運輸署
    黃又南今年3月同老友兼好拍檔徐天佑，合體舉行SHINE嘅紅館演唱會後，兩人又各有各忙，近日為電影開工嘅又南，日前就被《蘋果》讀者徐小姐捕獲，獨個兒現身金鐘運輸署。
    讀者徐小姐透過「爆相爆片」分享當日又南喺運輸署排隊嘅相片，相片見又南嗰日着住白色長袖裇衫，束咗一條小辮仔。徐小姐話：「嗰日大約下晝4點幾，得佢自己一個人，佢應該係去換車牌，雖然佢著住長袖衫，但我都覺得佢身型好健碩，幾大隻。」
    從相片所見，當日排隊嘅人都唔少，期間又南間唔中攞住電話講，手上就攞住一個藍色嘅file，而佢排隊嘅位置，側邊就放咗一個寫住「90分鐘」嘅告示牌。徐小姐補充話：「運輸署嗰日都多人呀，佢排嗰個位都起碼要等一個鐘先走得。」
    又南一向係錫車之人，就算洗車都親力親為，唔止一次被影到佢同愛車喺街邊「洗白白」，早年喜歡揸住架紅色Audi四圍去，15年仲畀《蘋果》影到同貌似梁靖琪（Toby）嘅女仔喺車廂短聚添！不過，去年又南已經「換畫」改揸寶馬，去年11月仲因為喺旺角山東街因為被指停車冇打燈，被讀者馮先生同本報投訴佢爛仔上身，事後又南就話嗰日聽到有人「乜乜佢媽媽」先至落車，但都話作為藝人，EQ應再學高啲，唔應該落車，仲話自己如果有唔啱會道歉。
    精選娛聞，喺晒《娛果》
    http://fb.com/appledailyent
    empty
    又南為愛車去運輸署排隊排足一個鐘。 （讀者提供）
    empty
    讀者話又南着住長袖衫都覺得佢好健碩。 （讀者提供）
    empty
    又南排隊期間不停篤電話。 （讀者提供）
    empty
    又南去年駕駛愛車喺旺角同人發生爭執。 （讀者提供）
    empty
    又南當日載住女助手，被指忽然停車冇打燈。 （讀者提供）
    empty
    又南早年駕駛紅色戰車
    empty
    除咗錫車，又南同樣係孝順仔，好緊張患有認知障礙嘅黃爸爸。（網上圖片）
    empty
    又南最近為電影開工。（網上圖片）
    empty
    又南一向錫車，經常被影到親自「服侍」愛車。