「幣少爺」聲稱下午會到深水埗明哥燒臘飯店買飯票派飯盒，飯店負責人明哥今晨參加行山節後，下午返舖頭吃飯，他說今早回來才知「幣少爺」要來買飯票，「員工話等佢哋招呼佢，教佢點樣做得平衡啲，如果好似噚日咁，擾亂個社會，希望佢真係行番條正途！教佢點樣派啲飯票，如果太多，做唔切，希望佢哋分幾日畀啲基層，有心幫基層的話，做得好好睇睇。」

明哥說不知「幣少爺」要買多少飯票，「未聯絡過我哋，如果真係要多，早啲通知我哋，因為儲存嘅貨量好少，我哋都未試過賣咁大筆，最多嗰次係8萬幾蚊，都係千多張飯票，如知道我哋運作，唔會一次過派晒，希望慢慢調節到，咁就可以平衡啲．．．無論點都好，如有心幫人，我哋會慢慢引導佢去正確的道路。」

明哥指除了正常生意外，每日做約400個飯盒，今次希望不超過300個，分開派會好一些。今晚本身有常規的派飯活動，參與活動的人大部分是小童及家長，每星期都有一批到來，以身教育，希望從小教導小孩子，培養他們的心靈。

你敢爆，我敢獎！ 立即WhatsApp《蘋果》24小時爆相爆片熱線 或致電：63836568