【失戀旅行團​×蘋果(精華版上)】前度秘婚玩失蹤 扮抑鬱其實另結新歡
http://bit.ly/2Sq3X1k

上一集，四位失戀團友Vincci、Yumi、Don同霍哥分享咗自己嘅失戀故事，佢哋為咗走出傷痛，鼓起勇氣參加失戀旅行團（BreakUp Tour）。

由Secret Tour聯同沈旭暉創辦嘅GLOs舉辦嘅失戀旅行團，展開咗五日四夜東京之旅，希望幫失戀團友擺脫傷痛，重新出發！而要達到「真正放手」，至少要懂得斷捨離，同前度劃清界線！

四位團友唯一一日聚埋一齊，去到東京都駒澤奧林匹克公園，舖布、擺陣、大嗌「埋嚟睇埋嚟揀」，目的係要將前度遺物賣走。

Vincci嘅前度遺物係一隻手錶，「隻錶印咗我最鍾意嘅雪糕圖案同埋我個名，係上年前度送畀我嘅生日禮物，不過我覺得自己唔會再用。」

Don就帶咗一件藍色蜻蜓圖案情侶Tee，「另一件係粉紅色，情侶Tee得返一件，其實都冇咩意思。」

Yumi要賣嘅係一條頸鏈，「前度知道我唔見咗粒水晶好唔開心，特登買一條新嘅送畀我，我覺得幾有心思，不過我都唔會再戴。」

霍哥嘅前度遺物係一隻情侶戒指，「掛咗喺房八年，一直都無郁過佢，係時候要放低啲嘢。」究竟佢哋賣唔賣得出前度遺物？賣唔出又會點處置？

去到最後一晚，大會準備嘅「失戀急救箱」最後一個任務：Last Call to EX，究竟佢哋有冇勇氣打最後一個電話畀前度？最後對前度講嘅心底話又係咩？即刻去片！

主辦單位：Secret Tour ​× GLOs（BreakUp Tour）
活動詳情： https://www.facebook.com/breakuptour/

旁白：阿仙
撰稿：阿仙、由由
攝影：馮峰、馮燊明、阿仙、由由
後期：馮燊明
視覺設計：Cammie
編審：阿仙
編導：馮燊明
監製：阿仙