杜利萊獲馬會發牌騎至季尾，以其在港打滾十幾年，早已種落不少關係，不論練馬師或馬主都有，基本不用擔心座騎，但杜利萊騎馬向有自己風格，喜直路飛出外疊發力，如跑草地絕對係極吃虧的跑法，但泥地剛好相反，此種跑法卻係最煞食！
Check番杜利萊之前在港成績，前季贏40W，泥地取得10W15P，上季由於座騎減少兼冇騎到季尾，整體成績驟降至24W，泥地都有四W八P，泥地的確較草地勝一籌。
今期杜利萊座騎唔差，第二場「保證滿意」及尾場「仁仁友福」均有贏馬本錢。「保證滿意」早前跑泥地1800米取得一W一Q，剛仗1650米不上名明顯係路短，落敗不必介懷，看其大前仗能壓倒「超順暢」、「赤驥」贏馬，前駒升四班後繼續上名，後駒再出大勝補中，反映「保證滿意」實力。
至於「仁仁友福」前仗能贏「太陽喜喜」已復蘇，泥地上季曾輸予「嫡愛」跑第三證明識跑，只要放得出就有糊叫。