【自資開騷完夢】當年澳洲棄醫來港發展 河國榮：嗰陣得五千蚊同個篋

蘋果日報 2018/06/01 13:46

河國榮譚詠麟張國榮
    河國榮噚晚喺九展為《31。31 dare to dream 河國榮音樂會》首場演出，發哥發嫂、譚詠麟及林家棟等都送上花籃、果籃支持。河國榮以連串譚詠麟嘅歌曲打頭陣，之後多謝大家今晚支持佢嘅音樂會，又講番多年前點解會由澳洲來到香港，佢話：「原本我喺澳洲報讀醫生，嗰陣識咗好多香港人，同佢哋好夾好好朋友，接觸咗好多廣東歌、學廣東話，見到譚詠麟、張國榮佢哋開演唱會，又舉手去做免費司機，後嚟決定唔讀書，買張單程機票嚟香港發展。嗰個年代除咗張國榮、譚詠麟、林子祥好勁之外，仲有陳百強。」
    講到啱啱嚟香港階段，河國榮話：「最初乜都唔識，咩係TVB都唔知，又冇學位，冇諗點搵食，住酒店好貴，當時只係拎住五千蚊港紙同埋一篋衫，好彩有個好朋友俾我喺佢屋企住咗一個月，呢位朋友Fanny今晚都喺現場。」河國榮落台送花畀呢位好朋友，仲話：「你都係等咗三十一年啫，我真係唔係講笑㗎，如果要住酒店今日我就唔會喺度。之後我喺香港補習教英文搵錢，直至有一個朋友話我聽TVB想搵一個鬼佬拍劇集，從此就開始咗三十年電視演藝生涯。」
    精選娛聞，喺晒《娛果》
    http://fb.com/appledailyent
    empty
    攝影：仇志德
    empty
    河國榮終於成功開完夢！
    empty
    發哥發嫂送果籃撐河國榮。
    empty
    譚校長就送花藍。
    empty
    現場播咗唔少河國榮嘅演出片段。
    empty
    當年河國榮同嘟姐合作拍《表姐4》。