各路區選候選人都會扭盡六壬宣傳自己，八方早前就發現，油尖旺大南選區內嘅華潤超級市場，竟然都係候選人宣傳平台，喺眾多本周至抵推介中，見到報稱獨立但實質獲九龍社團聯會支持嘅「隱形」建制派候選人莊永燦，幾乎被啲師奶誤當係要促銷嘅減價平貨。佢嘅同區對手陳文佑、譚金蓮同吳文遠會唔會慶幸無被當成滯銷貨？
隱形建制派固然可怕，由隱形人搞嘅抹黑戰同樣令人心驚膽顫。話說喺沙田恒安邨，最近就掛出針對民主黨候選議員鄭則文嘅橫額，最離奇係完全無下款，與此同時成條邨信箱，都入滿抹黑鄭則文嘅單張，擺明有心針對仲唔使計選舉經費，真係一舉兩得。