經過兩回合，大致確認七月兵，優勢會持續，這股七月效應，預料會延續十月。

第五場四班草地千二米，七月兵佔多數，可是好開的只有「安喜」，其餘都未能在上季尾打入三甲，這批馬復課進度亦好壞參半，整體水準可謂甚低。

睇勻全場，上季贏過草地的除「安喜」外，只有「放馬過來」與「帶榮來」，還好是此三駒狀態都不錯。

縮窄了範圍，想博似無厘頭報千二的「放馬過來」，上季贏四班千八，那場水準不算標青，加分後有再搏過，卻無法突破，季中後被安排集中跑盲門谷草，輸到季尾，連輸七場，比贏馬低了十一分。

葉楚航七月尾安排北上從化，期間一直有操，八月中回港後，快跳課期做到齊，雖覺還不及勝時，落場卻已夠用，今次有千四、千六任揀，葉楚航寧安排「盛勢」匆出跑千六，「軒轅齊飛」跑千四，刻意將「放馬過來」跑千二，用意、決心確難測，但過去既曾在千四入位，性能有股短暫爆炸力，千二未必不可應付，更重要是對手少亦不強呢！

「安喜」上季一出即贏同程，其後不斷轉路程、場地，搏極都贏唔到，今季部署重彈舊調，不論操練、報名都啱數。

「帶榮來」今季減急性，試閘見好，試完亦有再跳，可博進步。最後包埋「陽明亮亮」，上季尾兩場表現證明不算足，勝在年青兼是七月兵，馬比馬，相對其他還覺好些。

文：子健