66歲日本著名男星鹿賀丈史，被今期《Friday》踢爆發展「父女戀」，於本月5日更與一名貌似上戶彩嘅30多歲圈外女子到新宿區酒店開房。

鹿賀丈史演過唔少影視作品，當中包括真人版電影《魔鏡魔鏡變變變》、《忍者亂太郎》、《怪物小王子》等，又在經典電影《死亡筆記》中飾演夜神月父親夜神總一郎，不過最經典都係由佢主持嘅富士電視台長壽節目《料理之鐵人》。

話說回頭，鹿賀丈史同翻版上戶彩開房斷正，事隔幾日佢被記者上前追訪，佢未有正面回應跟女伴嘅關係，只係講句：「我已經離咗婚。」之後便立即走入食店。據知，鹿賀丈史同前妻有一個兒子，佢於兩年前跟翻版上戶彩在派對上搭上，兩人並非情侶，只保持住超友誼關係。