港人熱門旅遊地點日本，向來予人治安良好的感覺，bakemono日前看過一段日本新聞後，向網友發出溫馨提示，原來日前大阪心齋橋附近發生駭人聽聞案件，一名20歲女子在餐廳用膳時被店員綁架，再被餵安眠藥及強姦，他指「日本真係越嚟越唔安全」，「單身女仔喺日本食嘢要小心。」
根據報道，兩名食肆員工佯裝收舖落閘，把該女子困在店內，之後把她帶走施暴，日本警方已拘捕兩名涉案者。bakemono指出，案發地點位於鬧市，希望網友多加警惕，「我唔係危言聳聽，但大家唔好咁天真以為日本係一個好安全嘅國家，我想大家知道，去日本旅遊都好危險，希望大家提高警覺。」
雨鈴對此深表認同，近年日本治安好像有惡化迹象，「連食肆都發生咁嘅事，真係好離譜。不過個個國家都可能有呢啲事發生，各位，出門時要事事小心。」May_Aashinya稱，事發時接近午夜，故她外遊時甚少夜遊，「半夜三更，邊度都危險啦，我都係早啲返酒店睇吓電視好過。」