【林雅詩激凸下巴仔】有人追但驚揀錯人 單親媽媽趙哲妤歎好dry
林雅詩趙哲妤50次初吻
趙哲妤(Uny)、林雅詩噚晚到鰂魚涌出席《50次初吻》首映禮,Uny話好鍾意睇日本電影,覺得日本愛情片唯美:「諗起自己18歲初戀,當時同我同科嘅同學拍拖,初吻錫額頭已經好緊張,大家感情止於畢業,因為升大學前,對方轉校轉科,所以感情告終,o依家喺社交平台都見到對方,已經結咗婚有小朋友,過往係刻骨銘心嘅經歷。」
Uny又感歎話自己dry咗好耐,成兩三年冇拍拖,希望搵到個乖嘅男仔,有人陪自己睇戲。「o依家係有人追,但因為有小朋友,所以選擇愛情要小心,同埋成熟啲,希望搵到錫自己嘅另一半。」
林雅詩同馬天樂一齊出席首映,佢話最近擔任導演及演員拍攝新戲:「因為唔夠瞓、壓力大、捱夜、食宵夜,所以體重上升重咗8磅,希望盡快完成電影,下個月陪小朋友放暑假去歐洲進修,小朋友學英文,我就學有關電影課程。」
精選娛聞,喺晒《娛果》
http://fb.com/appledailyent