人稱炒飯哥嘅澳洲籍騎師羅理雅，未能一如潘頓，趁莫雷拉停賽兩期爭取頭馬，白白浪費了形勢認真可惜。

不過現時嘅炒飯哥，已響香港馬圈企穩陣腳，唔使好似以往咁擔心無支持，正如本周三晚(27日)谷戰，胯下五匹座騎供應，來自五位不同練馬師，但講到近期最啱嘴形，當然就係徐雨石啦。

羅理雅、徐雨石最近4次合作，共取得兩冠一季一殿佳績，全部有獎金落袋，勝出兩駒為「阿凡達」及「勁嘉輝」，都是谷草賽事。

今期炒飯哥拍徐雨石只有一匹，乃頭場五班1800米的「龍城快勝」，4歲英國馬屬於遲熟型，今季一出在四班谷草一哩得季軍，只負0.5馬位，現於五班周旋，計底質點都有揸拿，二人隨時又可攜手數糊。