當年今日
關於我們

【無懼限韓令】雙宋合體約會? 宋仲基後日上海見粉絲

蘋果日報 2016/08/14 11:02

宋慧喬宋仲基限韓令雙宋太陽的後裔

雖然神劇《太陽的後裔》已播完好幾個月,但《太陽》依然受歡迎,特別係男女主角宋仲基同宋慧喬就成為劇迷心目中嘅完美couple,只要有少少跡象顯示雙宋一齊,粉絲都會拍爛手掌。而有眼利嘅粉絲就發現雙宋疑似合體,事關一個韓國幕後工作人員喺Instagram上載嘅照片中,疑似雙宋就冇一齊影大合照,反而二人就去咗遠處靜靜談心,粉絲從二人嘅衣著打扮,當中相中女子同喬妹一樣愛着白色恤衫,而男仔打扮就以黑色為主,從中粉絲就估計相中人正係雙宋。
至於近日大陸瘋傳「限韓令」,又指宋仲基原本開價1億人仔拍大陸劇,但因為「限韓令」劇組就決定棄用宋仲基。雖然「限韓令」傳到言之鑿鑿,但無損宋仲基喺大陸「國民老公」嘅地位,佢後日仲會飛到上海,出席佢代言品牌嘅宣傳活動,今次係傳出「限韓令」後,宋仲基首次赴大陸進行活動,唔知到時佢會唔會回應有關「限韓令」嘅傳聞呢?