由蘇志燮同申敏兒主演嘅新劇《OhMyVenus》前晚首播，首播成績有7.4%，噚日播出第二集，收視就升咗0.8%，錄得8.2%收視，排同檔收視第二位。

不過噚日由劉亞仁主演嘅冠軍劇《六龍飛天》一連播出第13及第14集，收視分別有12.2%、13.2%，成為月火劇（逢周一及周二播出）嘅收視冠軍，當中《六龍飛天》第13集就對撼《OhMyVenus》，可見蘇志燮新劇都威脅到《六龍飛天》。

至於同檔嘅MBC《華麗的誘惑》收視就有8.2%，同《OhMyVenus》齊齊排第二位。