「我做情降，只是想我心愛的人回來我身邊，我自己都在受情傷，但他不是在幫你，是在你傷口灑鹽！」去年底，快要結婚的女友突然要求分手，黃先生為挽回感情，找來一間佛舍以4萬元下情降，豈料進行法事後卻聽到前女友要結婚的消息，懷疑受騙。

在廚房工作的黃先生，兩年前在深圳認識女友，隨即墮入愛河，兩人更至談婚論嫁階段，但去年10月，女友指遭母親反對兩人繼續發展，要求分手，黃先生多次要求復合不果，之後在網上見到一間佛舍可以下降挽回感情，決定一試，「因為太愛佢，唔想冇咗佢，所以要落降頭」。

他以WhatsApp向對方查詢，並聽從指示，翌日持4萬元到長沙灣青山道一座商廈既樓上佛舍，該店的負責人指，可以為黃先生請泰國的法師做法事，「佢話做之前要畀雙方嘅生辰八字、出生日期同照片畀師傳，師傅會每晚去墳場唸情降咒」，並指對方給他一枝愛情油，著他連續7星期搽在眉心，黃先生未有懷疑，並簽下一份列明「客戶清楚明白所有降頭不是百份百保證有效」的確認信。

黃先生聽從指示，一直用愛情油搽在眉心，但未見有效，「我問佢係咪有做法事既相同片畀我睇，我問一樣，佢先畀一樣我睇」片中所見一名男子拿著一隻用布紮成的布偶，唸疑似經文，桌上則放了一些佛像及拜祭品等。不久後，黃先生更聽朋友指，前女友最近被母親催婚，晴天霹靂，覺得被騙。「我同佢理論，話由頭到尾都冇見過師傅，叫他退款又不肯，退一半都不肯，話我簽咗份確認信，冇權要佢退款！」

記者未能聯絡涉事的佛舍；大律師陸偉雄表示，事主在交易前簽署協議書，假如協議書字體清淅，列明法事不保證成功，而且事主又在無壓力下簽署，對方亦有提供做法事片段，估計成功控告機會低。

你敢爆，我敢獎！ 即Call《蘋果》24小時爆相爆片熱線 ：63836568