當年今日
關於我們

【睹物思人?】超雲人在香港 陳山聰貼圖贈慶:澳門練跑

蘋果日報 2014/05/03 06:00

澳門陳山聰過大海

何超雲今日陪佢媽咪去灣仔食飯,著住條緊身褲,真係瘦咗唔少。而佢嘅舊愛陳山聰,都似係想「瘦出個未來」努力跑呀跑,明明住九龍灣都堅持要去山頂跑,係咪想識明星富豪就唔知喇,不過之前就有報道話佢家陣依然有唔少有米朋友,上去人哋屋企借廁所梳洗都唔奇。

成功勁減30磅之後,山聰依家仲繼續keep住跑,亦好勤力咁更新微博,係咁貼圖話俾大家知佢幾勤力練跑同拍劇。今日山聰又上載咗張佢喺澳門跑步嘅相,其實唔止今日0架喇,復活節前後佢已經喺微博貼圖,話俾大家知佢喺澳門練跑,唔驚撞到超雲咩?咁梗係唔會撞到啦。超雲係喺屋企跑步(新聞連結: http://bit.ly/RagKEM ),仲勁減20磅,點會好似山聰咁喺條街跑呢?

之前有讀者爆料話,山聰哥哥陳山海係澳門運輸公司「世運行」行政總裁,大嫂則是澳門免費雜誌社《梳打》業務發展總監,當時有傳山聰過大海投靠兄嫂。未知今次山聰過大海,係探朋友、開工定係探親呢?見到澳門一切熟悉景物,有冇諗起超雲呢?