下個禮拜四就係中秋，翌日補假加埋周六、日，就放到4日短假期，費清身邊唔少friend都話要飛。酒店預訂網 hotels.com 老友Jessica話，中秋節最多港人想去晒月光既海外五大目的地，排名依次序係東京、曼谷、大阪、澳門同台北。

東京、大阪同台北受歡迎，費清都好理解，但估唔到局勢唔係咁好既泰國曼谷，都咁多人去。 Jessica又話，講到搜尋次數增幅最大既三大中秋目的地，首位都係日本，咪係近年熱爆既鹿兒島囉，按年升咗4.5倍，排第二既越南峴港，按年升2.5倍，第三位同樣係日本既福岡，升一倍。

話就話啲日圓升番好多，啲人咪又一樣去日本朝聖；Jessica話， hotels.com 有平靚正既日本酒店推介，好似東京既赤「土反」頂級住宿酒店，房間每晚只不過係485蚊起，五舊水有找；位置又唔差，座落六本目之丘同東京中城地帶，一出街感受到東京夜生活，附近就有地鐵站，周圍去都好方便。

選擇去鹿兒島，就可以考慮備有露天溫泉既鹿兒島天然溫泉多米旅館，講緊每晚397元起咋。福岡博多東急雷伊酒店，每晚房價545元起。以上酒店，旅客評分都有4.5分，滿分係5分，口碑都唔差。

費清＃要生計，也要生活＃毋忘初衷