露雲娜重提往事跟前夫再做朋友 直認分開先知自己乞人憎
蘋果日報 2020/12/27 15:10
露雲娜Rowena CortesPerry Martin下雨天
露雲娜（Rowena Cortes）曾經先後因為家庭與婚變隱退23年，直至2000年為陳奕迅獻聲合唱《講男講女》才重投樂壇，最近她推出第二張翻唱靚聲碟《下雨天》，有別於上次《酒紅色的心》專輯主題翻唱玉置浩二的改編金曲，她說：「今次無theme，因為有主題限制會好大，我只想唱感動我嘅歌。今次我聽咗過千首歌，聽到嘔，少少唔鍾意都唔唱。」
露雲娜日前接受商台《1圈圈星光背後》訪問，提到碟中除了有林憶蓮、葉蒨文等80年代經典金曲外，也有後輩作品，她說：「我聽好多新嘢，唔可以畀人話老餅，我好欣賞張敬軒、方皓玟同Supper Moment，佢哋都好有才華、好有自己風格、好有heart。方皓玟首《你是你本身的傳奇》，我第一次聽已經好感動，已經諗一定要自己唱。」
新專輯繼續由第二任老公Perry Martin擔任監製及編曲，碟內唯一的全新英文歌《Forever》是其夫作曲作詞，露雲娜一臉感動，熱淚盈眶說：「係代表我同老公嘅愛，佢寫嘅《Forever》唔止係今世，佢覺得我哋前世已經一齊，將來就算我先離開或佢先走，都希望下一世再搵到我。」她與Perry 緣起於40年前一曲《荳牙夢》，兩個人均經歷首段婚姻失敗後，20年前透過社交網重遇，繼而Perry放棄美國一切為她來港，2013年修成正果正式結婚。談及第二段婚姻已過七年之癢，她由衷喜悅說：「同上段婚姻唔同，我哋溝通好多，每晚都會kiss，日日都會擁抱。佢話我喺邊，佢就喺邊，佢買咗個軟件日日學廣東話，佢話同我生活喺香港一定要識，初初都有啲唔適應，會話香港好逼，未見過咁多人。我好衰，會考佢，帶佢放工6點搭地鐵，佢真係好男人，犧牲好大。」
提到跟首任老公香港名攝影師Sam Wong於95年離婚，她直言已原諒對方，二人維持好友關係，除了因為兒子Brian外，自己也學懂反省：「一段婚姻破裂，自己都有責任，我都有唔啱嘅地方，以前我真係太過緊張，畀前夫太大壓力，會不停打電話問佢：『你幾點返嚟食飯？個仔唔舒服點解唔理？點解你打咁多機？』搞到佢唞唔到氣，隔咗多年之後先明白我係幾乞人憎！」她坦言離婚初期經常自責，覺得沒法給孩子完整家庭，慶幸兒子懂事，如今Brian三十而立，她亦放下重擔，明年是唱廣東歌40周年紀念，她計劃補辦今年因疫情取消的演唱會。
露雲娜與現任老公Perry曾於40年前合作。（資料圖片）
露雲娜推出第二張Hifi碟。（資料圖片）
露雲娜兒子Brian已經30歲。
露雲娜同現任丈夫Perry Martin緣起於40年前一曲《荳牙夢》，當年她和翁靜晶有份主演劇集。（電視截圖）
露雲娜接受商台主持梁泰來訪問。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！