大台女藝人就唔係個個都行性感路線，好似心穎BB同千雪BB咁，小背心或者三點式已經係佢哋性感嘅極限，亦冇獲安排拍強姦戲，穩坐一、二線嘅花旦，佢哋對於今次公司「禁性感」嘅員工守則，「不鼓勵有太過誇張女性身材及賣弄性感的鏡頭」，佢哋都贊成呢個安排。

黃心穎今日回覆傳媒：「我覺得係保護女藝員，有時拍嘢較性感，想雙方都係好舒服下進行拍攝。so far自己未遇過要求特別性感，令我唔舒服，我會夠膽講，但可能一啲新啲同事，唔夠膽講，其實唔係好comfortable去拍，呢個policy就可以保護佢哋。」

對於公司下令禁性感，朱千雪回應傳媒就話：「我平時都好少性感，如果拍戲拍劇，有啲親暱鏡頭可以借位，或者係冇咁多，其實對女演員都係好事，費事引起大家尷尬，男仔或者女仔都尷尬，公司話大家就鏡頭，咁拍戲時都會舒服啲。」

更多娛聞，喺晒《娛果》
http://fb.com/appledailyent