當年今日
關於我們

【短片】【點解嘅!】Bob為Louis抱不平 死撐「高八度」吳若希反應正常?

蘋果日報 2015/04/11 06:00

蘋果吳若希李綺雯Bob死撐即時反應正常Louis抱不平點解高八度

如果日日有人高八度叫「好犀利呀」、「點解嘅」,呢啲「煩音」,唔少網民覺得好恐怖,講嘅就係大台剛播完嘅《至尊街頭魔法王》,雖然收視都唔係太差,不過網民怒轟主持人吳若希高八度喪叫嘅聲線,兼經常表情超誇張咁擘大個口問「點解嘅,點解會咁嘅」,即被網民cut晒佢嚟嚟去去呢幾個「浮誇」表情剪接成片,聲線被指令人討厭。

吳若希噚日亦喺微博轉貼相關報道,留言:「Sorry,我下次高四度就好了!睇多一晚就完啦!辛苦大家!」

另一主持人阿Bob(林盛斌)噚晚喺微博寫道:「當大家討論緊阿Bob點解成日叫人拍手掌同埋Jinny點解成日問『點解嘅』嘅時候,希望大家記得,有一個人,佢同佢嘅團隊,不眠不休,盡心盡力,為各位送上連續十晚每晚半個鐘充滿住創意嘅神奇魔術!無論收視如何,外間反應如何,作為你嘅好朋友,我,向你致敬!世界上第一個穿入電視機嘅魔術師-LouisYan!」魔術師Louis都有多謝阿Bob支持佢。

而大台藝人o靚妹李綺雯竟然回應指:「請問正常人看完一個嘆為觀止,amazing魔術,反應除左『拍手』,叫到『嘩嘩』聲,同問『點解』,仲有咩?」