「唔使急,最緊要快」是前同事Wisery的口頭禪,頭幾次聽落去,的確有些不知所以,以為純粹開玩笑性質,但久而久之,卻有另一番感受,並非如大家心目中如斯「廢話」。上周遭遇兩件事,更印證這七個字老闆級金句的可愛處。
9.12下午三點,iPhone接受網上預訂,全城為iPhone停低所有工作,甚至股市也停了下來,事關個個炒phone唔炒股。與經紀A兩點食完lunch,準備分道揚鑣之際,A笑笑口拉住我入去IFCAppleRetailStore,話要準備落盤炒即日鮮。
所謂落盤,就是落iPhone預訂盤,股榮被勾起興趣,問一定得嗎?經紀A寸嘴話,「唔使急,打陣機睇下片先,總之要霸住部iMac機,三點不放手,三皮就到手」。二時五十五分,A落指令,攞張信用卡出來standby,「等陣load到入去,填form要快,揀兩部金色128GB6Plus,張卡要有萬六蚊credit。」
踏入三點,IFCAppleStore變成股票行,環顧四周,個個散戶對住iMac,上AppleStore落盤訂iPhone。沒有lag機、loading超順暢,三分鐘後,iMac上已出現「感謝你」三個大字,經紀A拍一拍我膞頭,說走啦,後面他的兩位同事已緊接埋位「落盤」。
走出RetailStore,感覺仍如發夢般。經紀A知我心裡的迷團,「睇過MichaelLewis的《FlashBoys》嗎,美國一班地盤佬,投資24億鋪光纖線,目的就是進行高頻交易,讓炒家的買賣指令以最快速度傳送到交易所。」
快幾多?千分之三秒。24億快千分之三秒,你會說他們是傻的嗎,但事實卻是有高頻公司過去五年1,238個交易日只有一日輸錢,過去一年純利超過14億港元。
經紀A繼續爆,知道點解大行證券行鍾意租IFC,就係條光纖快過人,落盤就算快人千分之一秒到港交所終端機,都叫有着數。「係最快既IFCAppleStore都訂唔到,其他地方會比直線更快嗎?」
另一個急唔代表快的例子,就是連希特拉都取消唔到的電訊商。相信大家總有經驗,打電話上去銀行、電訊公司及其他服務機構,查詢取消合約要事。最可惡的是按完又按,最後也是徒勞無功,我都係想直接聯絡客戶服務主任,點解咁難接通呢?
最後透過朋友,知道客戶服務直線,其實只是在原有電話上,快速按七組數字,就能直通專員,而非較早前打了近一個鐘、聽了半小時的音樂然後被CUT線。
「唔使急,最緊要快」背後的潛台詞,就是要你諗橋偷時間之餘,卻做得更好、更有效率。下次老細叫你「唔使急最緊要快」,與其嘴藐藐不屑,不如想想如何利用科技等,突破現有局限,勝人一籌。
股榮
https://www.facebook.com/stockwing1