當年今日
關於我們

【短片】【娜姐第2場】低調極都要朝聖Eason孖老婆睇騷郭藹明單拖到場

蘋果日報 2016/02/18 06:00

麥當娜任達華eason陳奕迅徐濠縈蔡一傑郭藹明娜姐琦琦第2場

麥當娜來港開騷,成為城中盛事,國際天后,當然引嚟唔少人朝聖,連唔少平日低調,明知出現會受記者追訪嘅藝人名人,都要嚟睇。

好似劉青雲太太郭藹明,今日就單拖到場,佢一身casual打扮,清爽同時容光煥發,如果有埋劉青雲在場你話幾好呢?「吹神」陳奕迅(Eason)就同老婆徐濠縈一齊到,佢哋一到場梗係俾傳媒包圍啦!佢哋一度分開行,之後先一齊入場,最後只係同傳媒講「恭喜發財」就急急進場,冇接受訪問。

另外現場仲有苟芸慧、陳志雲、方逸華、李蕙敏、孫佳君、邵美琪、黃浩同太太徐淑敏、蕭定一夫婦等等等等,不能盡錄。