當年今日
關於我們

【目標明確】睇馬睇到手揈揈!羅記打吡兵不容有失

蘋果日報 2018/12/20 15:28

蘇兆輝晨操羅富全打吡達龍駒

練馬師羅富全日前贏咗香港盃及香港短途錦標兩場國際賽事,下一個大目標就係香港打吡大賽,所以佢對旗下今季打吡馬特別緊張。
周日(23日)第七場二班2000米羅富全馬房「達龍駒」 ,今朝(20日)七點由蘇兆輝過檔出大圈操練,騎練在上馬前已經密斟咗一輪。
羅富全在烽火台觀操後,返回飛機坪接馬,再與蘇兆輝研究馬匹操練狀況,兩個人動作多多,非常肉緊。
「達龍駒」貴為應屆昆士蘭打吡冠軍, 上場在港初出跑田草1600米末段後上如飛,僅以一條馬頸位之微負予頭馬得第三,今次增程出擊,可望順利補中。
empty
羅富全(後中)對達龍駒非常肉緊