韓國男團MONSTA X早前展開首次世界巡迴演唱會，於本月17日以韓國首爾為巡演首站，隨後於香港、美國多個地區、曼谷、巴黎、柏林、莫斯科等地巡演，而下月8日就唱到港，今次更係MONSTA X首次於香港舉行演唱會，一眾粉絲都非常期待。MONSTA X是次演唱會將於香港亞洲國際博覽館Hall 10舉行，門票價格分別為$880、$1,080、$1,280及$1,580。

由Shownu、元虎、民赫、基賢、亨元、周憲及I.M組成嘅MONSTA X前年出道，成員個個多才多藝，周憲及I.M參與歌曲製作展示創作實力，基賢亦不時演唱OST晒唱功，MONSTA X於3月推出嘅首張正規專輯《THE CLAN PART.2.5 BEAUTIFUL》，成員周憲及I.M 參與主打歌《BEAUTIFUL》嘅歌詞製作，該專輯發表首周即奪下美國Billboard「世界專輯榜」冠軍，足見MONSTA X嘅人氣。