復合騷三度加場
馮仁昭四圍超：軟硬求十全十美嗌Stop
蘋果日報 2006/07/13 00:00
軟硬天師自從復合後搞作多多，又開演唱會又開舖頭賣軟硬產品，最近仲話要同HelloKitty合作出公仔，舊組合變成新hit人。
講番佢兩個由今個月27號開始舉行嘅「軟硬天師LongTimeNoSee演唱會」，場數一加再加，第二度加場嘅飛噚日開始發售，點知四個鐘頭就爆晒，於是即刻宣布第三度加場，加開8月5號一場，聽日開始賣飛。
講番佢兩個由今個月27號開始舉行嘅「軟硬天師LongTimeNoSee演唱會」，場數一加再加，第二度加場嘅飛噚日開始發售，點知四個鐘頭就爆晒，於是即刻宣布第三度加場，加開8月5號一場，聽日開始賣飛。
破晒紀錄
據馮仁昭所知，由06年至今，以劉家昌上個月舉行嘅演唱會賣飛反應最熱烈，至於陳奕迅年頭搞嘅九場個唱算係場數最多，但以上紀錄統統俾軟硬短短幾日內三度加場共演10場打破晒，不過好唔好睇仲未知。
噚日阿Jan林海峰喺電話度話：「係咪㗎？唔好咁誇張呃我喎，真咩？你咁講我唔知頂唔頂得住，心臟負荷過重，好辛苦！10場咁多，我都唔知自己做唔做得晒，可能頂唔住㗎，我都想知好唔好睇，夠膽就嚟睇啦！」至於阿葛葛民輝就話：「10場好呀，好圓滿呀，9場同11場我都唔鍾意，10場先十全十美，唔夠之後再搞過囉！今次真係已經加無可加，再加就要睇軟硬表演拆台，但我要上堂先，因為未學。」
噚日阿Jan林海峰喺電話度話：「係咪㗎？唔好咁誇張呃我喎，真咩？你咁講我唔知頂唔頂得住，心臟負荷過重，好辛苦！10場咁多，我都唔知自己做唔做得晒，可能頂唔住㗎，我都想知好唔好睇，夠膽就嚟睇啦！」至於阿葛葛民輝就話：「10場好呀，好圓滿呀，9場同11場我都唔鍾意，10場先十全十美，唔夠之後再搞過囉！今次真係已經加無可加，再加就要睇軟硬表演拆台，但我要上堂先，因為未學。」
軟硬再度加場嘅門票噚日十點開售，至下晝兩點已經爆滿。