【如何講英超第七集】摩佬重返奧脫福輸波 何輝估中奧里亞成不安因素
蘋果日報 2019/12/05 13:45
曼聯熱刺何輝何Wayne如何講英超
曼聯憑拉舒福特以一己之力以2:1擊潰熱刺，令很多人都意料不及，包括何輝和何Wayne。何Wayne預計摩連奴熟識曼聯球員，今仗可以有多些空間去部署，加上摩帥當日離開曼聯時被批評不懂進攻，今仗應會採取主動，以證明自己實力：「我覺得熱刺呢場會幾進攻型，情緒上覺得，摩連奴離開曼聯時候畀人覺得佢唔識進攻，今次返到嚟奧脫福，會進攻畀你睇。」他大膽預測熱刺會淨勝兩球，兼贏得有說服力。何輝亦認同何Wayne說法：「熱刺會踢得比較有彈性，球員會用個波，甚至覺得自己有少少高過對手。」不過他質疑熱刺右閘奧里亞的穩定性，結果今仗多番被福仔技術性擊倒，成為了輸波關鍵。
至於英超另一焦點，就是阿仙奴上周突然炒領隊艾馬利，由龍格堡暫掌帥印。何輝認為現今足球有個弊病，就是管理層沒辦法處理球隊在某段時間成績差的問題，他說：「又唔可以炒董事局，因為係錢嘅來源；球員唔可以炒晒，因為冇人踢 。結果永遠都係炒主教練嗰個團隊。」對於阿仙奴的問題，何輝始終覺得是管理層的核心問題，他提議有一人選可充當阿仙奴領隊，此人正是納比：「點解我會提到佢，因為呢啲教練一定壓得住個場先。唔好理管理部份先，至少佢一行入嚟，啲球員會靜晒。」
何輝（右）估中奧里亞成不安因素
摩連奴倒戈奧脫福，卻輸波而回。
拉舒福特（中）梅開二度，助曼聯獲勝。