馬季開始了不久，現役馬中逾大半數賽駒仍在備戰中，季內尚未登場。

不過當中卻有些非常積極，好像葉楚航馬房的「可愛寶」，今季已跑了兩仗，更將於下周三（(26日)）晚作季內第三次上陣，跑四班谷草1650米，可謂體力相當驚人。

「可愛寶」已七歲，前仗谷草開鑼戰跑第10名，熱身後上仗追入第五，所負不遠有進步，但嚴格而言表現亦不算太起眼。

不過，今次此駒的機會，卻大有必要睇高一線，事關「可愛寶」輸兩場後減到59分，降回四班跑，而且還將配見習騎師黃俊，屆時只需負123磅。

「可愛寶」是典型三、四班升降機，在三班威力一般，四班卻戰鬥力驚人。翻查數據，原來此駒對上三次跑四班賽，共得兩冠一亞佳績。

其實「可愛寶」跑得咁密，無非想一路跑起狀態，一邊趁勢減分博降班，如今可以話目的達到，老馬無保留價值，回師曾兩捷的谷草一哩，唔搏盡勢係假！