【又一個女強人】Rosemary唔只轉教瑜伽 做埋「戀愛顧問」
Rosemary
近年經濟不景氣,各行各業都提早步入寒冬,香港模特兒界已淡靜多時,唔少名模搞生意、做blogger、結婚生仔,總之要及早另謀出路,Rosemary近年都積極轉型,除咗考獲瑜伽教練牌,o依家定時會做教練,佢仲喺紐約考咗「綜合營養健康教練牌」,除咗教基本嘅飲食健康、運動,Rosemary仲會化身「戀愛顧問」,Rosemary話:「我用上一年時間修讀這課程,現時已有12位學生,主要是希望他們在生活上取得平衡。」
Rosemary指人際關係佔人生好重要嘅部份,佢就以自己為例:「任何事都不可能太衝動,遇到任何不如意的事,相信我,只要你深深吸一口氣,結果將會不一樣。腦袋行得很快,例如你跟人鬧交,很容易就會有衝動的舉動,只要停一停去想,關係便能夠改善。」
Rosemary仲話佢同老公Jason嘅關係好咗好多,佢話:「學完之後,我學懂冷靜,二人相處是平等的,沒有高低之分,我亦有協議,每星期必需花時間在一起,分享大家所遇到的,真心交流是很重要的。」Rosemary話平日瑜伽練習,都令佢嘅脾氣變好,同另一半一齊做,大家學識忍耐建立深厚感情,佢相信,任何事永遠都唔會遲!
Rosemary仲話讀呢個課程,令佢想起前男友,佢話:「對我嘅傷害很大,我要學懂跳出來,很難才能叫自己離開佢,當時真是好困難,沒有太多人知,這我的過去,但我要繼續前進。」
攝錄:林德雄
鳴謝: Pure Yoga,Pure Apparel
更多娛聞,喺晒《娛果》
http://fb.com/appledailyent