單身6年嘅黎明，今日被周刊爆佢對A Music女員工Wing照顧有加，提供公司名下座駕，讓Wing代步，又指Wing進駐上水豪宅。不過有人爆料指，Wing其實自2015年、陳善之離任黎明經理人，才有機會接觸黎明嘅工作；加上先後有A Music員工離職，令佢變成公司「元老級」，向新職員指點江山。

有公關向《蘋果》爆料指，當年有人為幫李治廷，出手搶同公司藝人job。據公關爆料稱，試過打電話去A Music，想搵藝人A出埠做嘢。某人回覆稱藝人A冇期，然後力sell李治廷。

後嚟該公關撞到「被推job」嗰個藝人A，先知原來某人根本冇問過佢有冇期，就幫佢推job。唯藝人A唔想搞大件事，故未有聲張。

另外仲有一單，話某人曾經同一名化妝師拍拖。有傳佢為幫男友搵多啲job，故將公司旗下藝人嘅化妝師全部改用男友，但此舉反而得罪男友所屬公司，因為該化妝師本身係屬於一間公司，故應該經公司去book。某人此舉，已經等同違反行規。

相關文章：
傳黎明重用失婚女助手 Wing做AMusic營業部經理
http://bit.ly/2IdmaKo

【曾侍候李治廷】黎明「新女」Wing起底 傳喺公司擺款犯眾憎
http://bit.ly/2HgdT7k