日本天后安室奈美惠引退前最後襲港，明晚起假座紅館舉行一連兩場告別演唱會，兩場個唱門票早被掃清，一票難求。

今午二時左右，噚晚抵港嘅安室，經一晚休息之後，離開下榻酒店，前往紅館綵排。直至約黃昏6時許，安室由保安嚴陣以待護送下離開，之後坐七人車直抵尖沙嘴SOGO購物。

見安室狀態唔錯，主攻睇化妝品，先後入兩間舖選購心頭好，仲同店員有講有笑。碌卡俾錢後離開，此時身邊工作人員發現記者舉機，即出手遮擋。安室逛到7點15分先至上車返酒店稍作休息。