生得未呀生得未呀，洗米嫂陳慧玲噚日喺全家陪同包括老爺老公同一對仔女以及友人咁大陣仗之下去到養和，準備今日開刀生B，等BB可以同爸爸洗米華同一日生日。今日就係洗米華(周焯華)牛一正日，唔知BB幾時出世呢？

今午十二點半左右，洗米華出車離開醫院，未知去邊啦。只見佢一現身，即急不及待扯煙，但一見記者就即刻整熄支煙。上到車，又繼續扯，就好似之前佢喺英國等MandyLieu生女嗰陣一樣，都係煙駁煙。

洗米華似乎好趕時間，可能係想快去快回陪老婆，點知前頭架車頂住，故洗米華亦不時引頸張望睇下前面啲車開得未。對於記者一切提問洗米華俱表示:「冇嘢講。」洗米華車上還有一女子陪同在側，面對鏡頭顯得毫無歡容。