日本小說家田中芳樹筆下科幻小說《銀河英雄傳說》，曾多次改編成漫畫、動畫、舞台劇、遊戲，作品近日宣佈將開拍真人版電影，仲會拍成三部曲，不過將會由中國稼軒環球影業公司負責拍攝。

喺80年代開始發行嘅《銀河英雄傳說》，講述人類生存圈擴展到全銀河系嘅未來時空，專制君主制「銀河帝國」同民主共和制「自由行星同盟」長年打仗，加上夾在中間強大經濟體「獨立城邦國家費沙自治領」，造成三方勢力錯綜複雜交鋒。

田中芳樹話冇諗過自己嘅小說能夠拍成真人版電影，希望透過今次可以讓更多人認識到呢本作品。電影由拍過《狼圖騰》、《小時代》等作品嘅中國稼軒環球影業公司負責製作，將拍成三部曲，第一部電影將於2020年推出。對於將由中國公司負責拍攝呢部真人版電影，即時惹來日本網民熱烈討論，擔心會毀咗一部神作，認為一個「抵抗獨裁嘅故事交由中國公司」相當可笑，更有人擔心所有演員都會由內地演員演出。

更多娛聞，喺晒《娛果》
http://fb.com/appledailyent